Гранд клубда ўйнайдиган пайт келди

Англия Премьер-лигасининг учта гранд клуби “Кристал Пэлас”да ўйнаб келаётган марказий ҳимоячи Марк Гехини ўз сафига қўшиб олиш учун ҳаракат қилмоқда.

The Guardian нашрининг ёзишича, “Ливерпуль”, “Тоттенхэм” ва “Ньюкасл” истеъдодли футболчини шу ёз ичи трансфер қилишга уриняпти.

Гранд клубларда ўйнаш даражасига етганига қарамай, Гехининг ўзи “Кристал Пэлас”ни тарк этишга шошиляпти. Футболчининг амалдаги шартномаси 2026 йилнинг 30 июнида тугайди. Марк келишув якунлангунича жамоада қолиб, келаси ёз эркин агент сифатида бошқа клуб танлашни режалаштирмоқда.

“Кристал Пэлас” Марк Гехи клуб билан шартномани узайтирмагани учун уни ёзда сотиб юборишга ҳаракат қиляпти. Клуб раҳбарияти қимматбаҳо активни бепул кетишига йўл қўймоқчи эмас.

Марк Гехи “Кристал Пэлас”га 2021 йилнинг ёзида “Челси”дан олиб келинган. Ўшанда бу трансфер учун “Челси” 23,3 миллион евро миқдорида бадал пули олган эди.