Grizmann "Barselona"da qachon debyut qiladi?

Mavsumlar oralig‘ida "Barselona"ga ko‘chib o‘tgan hujumchi Antuan Grizmann kataloniyaliklar safida qachon debyut qilishini aytdi.

“Ertaga ushbu libosda ilk daqiqalardan harakat qilaman. Yangi sheriklarim bilan o‘ynab rohatlanishni intizorlik bilan kutyapman”, - deydi frantsiyalik futbolchi klub rasmiy saytiga bergan intervyusida.

Eslatib o‘tamiz, “Barselona” ertaga, ya’ni 23 iyul kuni Yaponiyaning Saytama shahrida “Chelsi”ga qarshi o‘rtoqlik uchrashuvi o‘tkazadi.