Grizmann: "Biz g‘alaba qozonishimiz kerak. Aks holda Koke meni masxara qiladi"

Frantsiya terma jamoasi hujumchisi Antuan Grizmann UEFA Millatlar Ligasi finali oldidan o‘z fikrlari bilan o‘rtoqlashdi. 

"Biz albatta g‘alaba qozonishimiz kerak. Aks holda Koke mashg‘ulotlarda meni masxara qiladi. Ha, Ispaniyada ajoyib yosh tarkib bor. Biroq biz o‘z o‘yinimiz bilan raqibga bosim o‘tkazib, sovrinni qo‘lga kiritish uchun qo‘limizdan kelgan ishni qilamiz", - dedi Antuan "L'Équipe" nashriga bergan intervyusida.

Ayni damda Koke va Grizmann "Atletiko" sharafini himoya qilmoqda. Antuanning huquqlari "Barselona"ga tegishli. "Matraschilar" uni Kataloniya klubidan mavsum yakuniga qadar sotib olish huquqi bilan ijaraga olgan. 

Eslatib o‘tamiz, Frantsiya - Ispaniya o‘rtasidagi uchrashuv ertaga Toshkent vaqti bilan 23:45da boshlanadi.