Гризманн бундай имкониятни қўлдан чиқармайдиган бўлди

Антуан Гризманнга Англия премьер-лигаси грандларидан жиддий чорловлар бўлаётганига қарамай, ҳужумчи “Барселона”да қолишга қарор қилди. У ҳеч қандай таклиф уни Каталониядан кетишга кўндиролмаслигини таъкидлаб, бунинг сабабини айтди.

Бу Рональд Куманнинг асосий ҳужумчиларидан бири Луис Суаресга жавоб бериб юборгани билан боғлиқ экан. Гризманн янги мавсумда марказий ҳужумчи сифатида ўйнаб, асосий тўпурарга айланмоқчи. Шунингдек, франциялик ҳужумчи Суарес кетганидан кейин, унинг дўсти Лионель Месси билан ҳам муносабатларини яхшилаб олишни режалаштирган.

Аввалроқ, Куман Месси жамоани тарк этган тақдирда, етакчилик масъулиятини Гризманнга топширишини билдирган эди. Клуб раҳбарияти Месси олиб қолиш билан бирга, Каталониядан кетиш пайида юрган ҳужумкор футболчи Филиппе Коутиньони ҳам “Барса” учун ўйнашга мажбурлаяпти.

Матнда хатолик топсангиз, ўша хатони белгилаб, бизга жўнатинг (Ctrl + Enter)