Гризманн энди бу борада тенгсиз

Жаҳон чемпионати чорак финал доирасида Англия ва Франция жамоалари ўртасидаги баҳсда французлар зафар қучди.

Учрашувда "уч ранглилар" футболчиси Антуан Гризман жамоадошлари Орельен Чуамени ва Оливье Жирунинг голларига ассистентлик қилди.

Гризманн бу фойдали ҳаракатлари билан афсонавий футболчилар Тьерри Анри ва Зинедин Зиданни ортда қолдириб, узатмалар сонини 28 тага етказган ҳолда Франция терма жамоасининг энг яхши ассистентига айланди. Анри ва Зидан ўз ҳисобига 26 тадан голли пас ёздириб қўйган.

Эслатиб ўтамиз, Франция ярим финалда Африканинг Марокаш терма жамоасига қарши баҳс олиб боради.