Grizmann terma jamoada sardor bo‘lmaganidan norozimi?

Madridning "Atletiko" klubi va Frantsiya terma jamoasi hujumchisi Antuan Grizmann Kilian Mbappedan norozi ekani haqidagi xabarlarga munosabat bildirdi.

"Sky Sports" nashrining ma’lumot berishicha, bu xabarlar haqiqatga to‘g‘ri kelmaydi. Antuan Frantsiya terma jamoasi sardori bo‘lishni xohlaganiga qaramay, jamoa ustozi Dide Deshamning qarorini to‘liq qo‘llab-quvvatlaydi. Futbolchilar o‘rtasida yaxshi munosabatlar saqlanib qolgan.

Eslatib o‘tamiz, jamoaning avvalgi sardori Ugo Loris edi. 36 yoshli posbon Qatarda bo‘lib o‘tgan 2022 yilgi jahon chempionatidan so‘ng faoliyatini yakunlashini e’lon qildi.