“Губернатор кубоги”да Шаҳобиддин Зоиров ва Амит Пангал жанги бўлиб ўтди

Санкт-Петербург шаҳрида давом этаётган “Губернатор кубоги”и ярим финал босқичининг энг муросасиз ўтиши кутилаётган баҳси шубҳасиз, -52 кг вазн тоифасида Шаҳобиддин Зоиров ҳамда принципиал рақиб, ҳиндистонлик Амит Пангал ўртасидаги жанг эди, десак муболаға бўлмайди. 

Кутилганидек, ушбу тўқнашув ёрқин лаҳзаларга бой бўлди. Жанг уч раунд шиддатли ва кескин кўриниш олди. Якунда, ҳамюртимиз қийин бўлган ғалабани қўлга киритди. 

Энди, Зоиров финал жангида қозоғистонлик Маҳмуд Сабирханга қарши турнир ғолиблиги учун рингга кўтарилади.