
Гути: "Ямал "Барса"га йўналиш белгилаб берувчи футболчидир"
Мадриднинг "Реал" клуби афсоналаридан бири Гути "Барселона"нинг ёш юлдузи Ламин Ямал ҳақида фикр билдирди.
"У мен қилган ишлардан анча олдинда. Энг яхши футболчи? Энг яхши бўлиш – ҳар бир турда шундай бўлиш дегани. Ҳозирча у ҳар турда энг яхши эмас. Лекин у Килиан Мбаппе ва Винисиус Жуниор каби.
У жуда катта иқтидорга эга. Баъзида у кўп гол урмаётгани ҳақида гапирамиз, аммо у ўз узатмалари билан ўйин тақдирини ҳал қилади. У – бир ҳаракат билан ўйин натижасини ўзгартиришга қодир футболчи.
Мен Месси бу ёшда бундай ўйнаганини кўрмаганман. У асосий жамоада ёш ўсмир бўлишига қарамай, асосий футболчи сифатида ҳаракат қилмоқда. Ҳозир бу бола "Барселона" учун ҳақиқий йўналиш белгилаб берувчи футболчи" - дея таъриф бериб ўтди испаниялик собиқ футболчи.
Comments