Гвардиола: "Агар бу сафар ютқазсак, Премьер-лигани юта олмаймиз!"

"Манчестер Сити" бош мураббийи Хосеп Гвардиола "Тоттенхэм"га қарши ўйин олдидан ўз фикрлари билан ўртоқлашди. 

"Жорий мавсумда бу жамоа билан икки марта ўйнадик ва мағлуб бўлмадик. Агар бу сафар ютқазсак, Премьер-лигани юта олмаймиз.

"Тоттенхэм"га қарши баҳслар доим қийин бўлиб келган. Айниқса, жорий мавсум улар жуда тажовузкор футбол намойиш этмоқда. 

Лондонликлар чемпионлар лигаси учун курашяпти, улар олдига улкан мақсадлар қўйилганини биламиз. Аммо бизники ҳам уларникидан қолишмайди. Қисқа қилиб айтганда, биз фақат ва фақат ғалаба учун майдонга тушамиз", - деди испаниялик мутахассис.