Гвардиола Алвесни "Сити"да кўрмоқчи

ПСЖ билан шартномаси якунлангач эркин агентга айланган ҳимоячи Дани Алвес фаолиятини АПЛда давом эттириши мумкин.

Daily Mail нашри тарқатган хабарга кўра 36 ёшли бразилиялик футболчини "Манчестер Сити" бош мураббийи Хосеп Гвардиола ўз жамоасига таклиф қилмоқчи.  Таъкидлаш керакки, Алвес ўз вақтида “Барселона”да айнан Гвардиола қўл остида тўп сурган ва жамоанинг асосий футболчиларидан бирига айланган.

Маълумотларга қараганда Алвес учун “шаҳарликлар”га Миланнинг “Интер” клуби рақобат қилиши мумкин.