Гвардиола АПЛдаги энг яхши мураббийларни санаб ўтди

Пеп Гвардиола АПЛда мавсумнинг энг яхши мураббийи бериладиган мукофот ҳақида гапирди. 

"Ҳа, мен уни баҳам кўрмоқчиман. Айниқса, Микель сўнгги тургача жамоасини ажойиб бошқариб, бизга кучли рақобат қилиб берди. 

Албатта, Юргенни ҳам таъкидлаб ўтиш жоиз. У билан йиллар давомида унутилмас жанг қилдик. Унаи Эмери "Астон Вилла"ни ЕЧЛга олиб чиқиб ақлбовар қилмас иш қилди. Ираола эса Премьер-лигадаги биринчи мавсумида "Борнмут"да ажойиб ишлади. 

Улар билан бирга ишлаш ва соврин қўлга киритиш катта шараф. Келгусида чемпионликни ҳимоя қилишга ҳаракат қиламиз", - деди "шаҳарликлар" устози.