Гвардиола “Арсенал” билан қандай курашмоқчи?

Англия Премьер-лигасининг жорий мавсумида чемпионлик учун кураш асосан мусобақа пешқадами “Арсенал” ва “канонирлар”нинг энг яқин таъқибчиси “Манчестер Сити” ўртасида кечмоқда.

Манчестерликлар ўз майдонида “Ноттингем Форест” билан дуранг ўйнаб, қимматли икки очкони йўқотганидан кейин Хосеп Гвардиола “Арсенал” билан чемпионлик учун кураш ҳақида одатий саволга жавоб берди.

“Ноттингем Форест”га қарши учрашувдан кейин журналистлар Гвардиоладан унинг жамоасига “кутилмаган бурилишлар” ёрдам беришига ишонаниши ҳақида сўради.

- Олдинда ҳали кўп ўйинлар бор, шунинг учун биз фақат курашни давом эттиришимиз керак, - деди испаниялик мураббий TNT Sports нашри журналистларига берган интервьюсида.