Гвардиола: "Биз уларни тирик қолдирдик"

"Манчестер Сити" бош мураббийи Пеп Гвардиола АПЛ 32-туридан ўрин олган "Ливерпуль"га қарши ўйиндан сўнг, учрашувни сарҳисоб қилди. 

"Ушбу баҳс АПЛ учун яхши реклама бўлди. Иккала жамоа ҳам ғалабага интилди. Менда биз уларни тирик қолдирдик, деган туйғу бор. 

Шундай бўлса-да, тингланг, "Ливерпуль"нинг ўйинини томоша қилиш роҳат. Уларнинг ҳужумда қанчалик хавфли эканлигини ҳамда бу жамоага қарши ўйнаш нақадар қийинлигини биламан. Ўйлашимча, биз жуда, жуда, жуда яхши ўйнадик. Мен ўз жамоам билан фахрланаман". 

Ҳар икки жамоада 7 тадан ўйин қолди. Уларнинг барчасида ғалаба қозониш керак. Акс ҳолда, ҳаммаси тугайди. Биз чемпионлик учун курашамиз", - деди "шаҳарликлар" устози.