Гвардиола: "Бу биз учун яхши янгилик"

Ҳимоячи Мануэль Аканжи "Манчестер Сити"нинг асосий гуруҳида машғулотларга қайтди. Бу ҳақида жамоанинг мураббийи Хосеп Гвардиола маълум қилди.

 "Аканжи машғулотларга қайтди. Бу биз учун жуда яхши янгилик. Ҳозирча у келгуси ўйинда майдонга тушишга тайёр бўладими, билмайман. Кеча унинг биринчи тўлиқ машғулоти бўлди", - деди испаниялик мутахассис. 

Эслатиб ўтамиз, Аканжи "Манчестер Сити"нинг 12-турда Лондондаги "Тоттенхэм"га қарши ўйинда жароҳат олган эди. Жамоанинг кейинги ўйини Англия чемпионатининг 17-турида Бирмингемнинг "Астон Вилла" жамоасига қарши бўлиб ўтади.