Gvardiola: Bu yulduz o‘ynamaydi, men uni Evropa chempionatidan beri ko‘rganim yo‘q

“Manchester Siti” Angliya Premer-ligasidagi birinchi tur uchrashuvini 18 avgust kuni “Chelsi” maydonida o‘tkazadi.

Amaldagi chempionlar bosh murabbiyi Xosep Gvardiola jurnalistlarning savollariga javob berib, ilk bellashuvda eng muhim o‘yinchilardan biri Rodri ishtirok etmasligini bildirdi.

— Evropa chempionati finalida jarohat olgan Rodrining ahvoli qanday?

–  Bilmayman, men uni o‘shandan beri hali ko‘rganim yo‘q. U mashg‘ulotlarni boshlasa, o‘shanda ko‘rishamiz va o‘zini qanday his qilayotganini bilib olamiz.

– “Chelsi” bilan o‘ynamaydimi?

– Buning umuman imkoni yo‘q.

— Evropa chempionati finalida o‘ynagan Fil Foden, Kayl Uoker, Jon Sounzlarchi? Ular “Manchester Yunayted” bilan uchrashuvni o‘tkazib yubordi.

– Ularning bari atigi ikki-uchta mashg‘ulotda qatnashdi xolos. Ularning jismoniy holati yaxshi. Lekin ular 90 daqiqa faol o‘ynashga tayyor bo‘lmasligi mumkin.