Гвардиола бу юлдузни кетказиб хато қилдими?

 “Манчестер Сити” бош мураббийи Хосеп Гвардиола ёзги трансферлар даврида клубни тарк этиб, ижара асосида “Эвертон”га ўтиб кетган Жек Грилиш ҳақида фикр-мулоҳазаларини билдирди.

- Билишимча, Грилишнинг ҳали биз билан шартномаси бор. Энг муҳими – у яна юқори даражага қайтди, зўр ўйнаяпти ва “Эвертон”га катта таъсир ўтказмоқда.

Буёғига нима бўлади? Балки “Манчестер Сити” уни ортга қайтаришни истаб қолар. Аниқ билмайман. Кўп нарса бўлиши мумкин. Ҳаммаси клубларга, агентларга ва албатта, бош мураббийларга боғлиқ бўлади. Охирги сўзни барибир клуб айтади, - деди Хосеп Гвардиола.

Жек Грилиш 2021 йили “Астон Вилла”дан “Манчестер Сити”га рекорд даражаги бадал пули эвазига кўчиб ўтган. Бироқ Хосеп Гвардиола қўл остида ҳужумкор футболчи юқори савияга кўтарила олмай келаётган эди.

Ёзда испаниялик мутахассис англиялик футболчининг кетишига йўл қўйиб берди.