Гвардиола: "Ҳусанов жисмонан жуда кучли"

"Манчестер Сити"ни олдинда Чемпионлар лигасининг 7-туридан ўрин олган ПСЖга қарши баҳс кутиб турибди. Мазкур ўйин олдидан ташкил қилинган матбуот анжуманида Хосеп Гвардиола иштирок этди ва Абдуқодир Ҳусанов ҳақида гапирди. Унинг сўзларига кўра, футболчимиз Чемпионлар лигасининг кейинги иккита беллашувида майдонга туша олмайди. Аммо у АПЛ учун тайёр. Шунингдек, испаниялик мутахассис ҳимоячини мақтади. 

"Уларга жамомизга хуш келибсиз, деймиз", - дея гап бошлади Гвардиола Ҳусанов ва Витор Рейс ҳақида берилган саволга. "Улар жуда ҳам ёш ва кўп йил шу ерда ҳаракат қилиш учун келишган. Ҳусанов Францияда ўйнаган. У жисмонан жуда кучли ва ғайритабиий футболчи. Умид қиламанки, Абдуқодир тез орада инглиз тилини ўрганиб олади".

Яна бир журналист Пепга улар бу мавсум қанча учрашувларда майдонга тушиши мумкин. деган савол билан юзланди. Гвардиоладан эса қуйидагича жавоб:

"Менимча, қонун бўйича улар ПСЖ ва "Брюгге"га қарши учрашувларда қатнаша олишмайди. Плей-оффга чиқсак, бунинг имкони бўлиши мумкин. Аммо иккала футболчи ҳам АПЛ'га тайёр. Шундан кейин журналист саволини давом эттирди: "Сен уларни дарҳол жамоага қаўшилиб кетишига ишонасанми?" "Ҳа, ҳа", - дея мураббий жавоб қайтарди. 

"Манчестер Сити" ПСЖ билан ўйнаганидан кейин Премьер-лиганинг 23-турида "Челси" билан куч синашиши керак бўлади. Ҳусанов мазкур учрашувда дебютини амалга ошириши мумкин. 

Сизда ушбу матбуот анжуманида Гвардиоланинг Ҳусанов ҳақида гапирган гапларини эшитиш имкони бор. Видеони "You Tube" каналимизга жойлаб қўйганмиз