Гвардиола икки ҳимоячини алоҳида эътироф этди

"Манчестер Сити" бош мураббийи Хосеп Гвардиола "Борнмут"га қарши учрашувдан сўнг жамоанинг икки қанот ҳимоячиси ҳисобланган Нунес ҳамда Ў'Райлини алоҳида таъкидлади. 
 
"Матеус Нунес ва Нико Ў'Райли жуда ажойиб ўйин ўтказишди", - дея қисқа таъриф бериб ўтди испаниялик мураббий. 
 
Маълумот ўрнида, "шаҳарликлар" Англия Премьер-лигасининг 10-туридан сўнг 19 очко жамғарган ҳолда, 2-ўринда бормоқда. Пешқадам "Арсенал"дан эса 6 очко ортда қолмоқда. Шунингдек, "Ливерпуль" ва "Борнмут"дан 1 очко олдинда.

Эслатиб ўтамиз, АПЛнинг навбатдаги турида "Манчестер Сити" ўз уйида Мерсисайднинг "Ливерпуль" клубини қабул қилади.