Гвардиола: “Менда ҳам Клопп кетаётган пайтдаги ҳислар бор”

“Манчестер Сити” бош мураббийи Хосеп Гвардиола клубни тарк этиши ҳақида гапирди.

“Мен Юрген Клопп кетаётган пайтдаги ҳисларни бошдан кечиряпман. Кучим тугаб боряпти.

Ҳар уч кунда ўйинларга тайёрланиш, совринлар учун курашиш ва футболчилар билан ҳар куни ишлаш учун керакли энергия қолмаётганини ҳис қиляпман. Бу жараён 10 йилдан бери давом этмоқда”, — деди испаниялик мутахассис.

Маълумот учун, Гвардиола 10 йиллик фаолиятдан сўнг мавсум якунида “шаҳарликлар”ни тарк этишини маълум қилганди. Жамоа АПЛнинг сўнгги турида "Астон Вилла"га қарши майдонга тушади.