Гвардиола: "Муҳими — ғалаба эмас, жамоанинг ривожланиши"

"Манчестер Сити" бош мураббийи Хосеп Гвардиола "Ньюкасл"га қарши учрашув олдидан бўлиб ўтган матбуот анжуманида жамоанинг охирги вақтда совринлар ютишдаги имконияти ҳақида фикр билдирди.

— Мавзу ғалаба ёки совринлар олишда эмас, балки жамоанинг қандай ривожланаётганида. Ўтган мавсумда биз биттадан кўп соврин ютишга лойиқ эмасдик, чунки яхши ўйнамадик. Биз бу ердамизки, жамоа яхши ўйнасин, — деди Гвардиола "BBC"га.

— Яхши ўйиндан қувонч олиш — биз учун муҳим ва мухлислар улар яхши вақт ўтказганини айтиши керак. Келаси ўйинда биз ўзимиз қила оладиган энг яхши нарсани амалга оширамиз. Бу ҳамиша мақсадимиз бўлган. Бу жараёнда бўлсангиз, охирида титуллар учун курашасиз ва уларни ютасиз, — дейди мураббий.

Ҳозирда "Манчестер Сити" Англия чемпионатида иккинчи ўринда бормоқда ва етакчи "Арсенал"дан 6 очко ортида қолган.