Гвардиола "Олтин тўп"ни бериш борасида ўзгариш қилишни таклиф қилди

"Манчестер Сити" бош мураббийи Пеп Гвардиола "Олтин тўп"ни ким олиши кераклиги ҳақидаги саволга жавоб берди.

Аввалроқ, матбуотда Лионель Месси октябрь ойи охирида "Олтин тўп"ни олиши ҳақида маълумотлар пайдо бўлганди.

"Олтин тўп икки қишига берилиши керак. Бирини Мессига, иккинчисини эса бошқалар ўртасида энг кучлига берилса адолатдан бўларди. Холанд "Олтин тўп"га лойиқ эди. Биз требль қилдик ва у 50 тадан ортиқ гол урди”, деди Гвардиола журналистларга.

Эслатиб ўтамиз, ўтган йилнинг охирида Лионель Месси Аргентина терма жамоаси таркибида жаҳон чемпиони бўлганди.