Гвардиола Витор Реис ижарага берилиши ҳақида: "Жамоада ўйинчилар кўп бўлишини ёқтирмайман"

"Манчестер Сити" бош мураббийи Хосеп Гвардиола ҳимоячи Витор Рейснинг ижарага кетиши ҳақида фикр билдирди.

8 август куни 19 ёшли бразилиялик футболчи яқин мавсумни Испаниянинг "Жирона" клубида ўтказиши маълум бўлди.

"Сиз менинг фикримни биласиз. Жамоада ўйинчилар кўп бўлишини ёқтирмайман. Бу - Витор Рейснинг "Жирона"га кетишининг сабабларидан бири. Мен Виторни жуда яхши кўраман, у келажаги бор футболчи, аммо унинг ҳар дам олиш кунини уйда ўтказишини истамайман", - дея Гвардиоланинг сўзларини келтирди City Xtra.

"Манчестер Сити" Рейсни январь ойида 37 миллион еврога сотиб олганди. Ўшандан бери бразилиялик футболчи атиги тўртта учрашувда майдонга тушди.