Гвардиола ёзда “Манчестер Сити”ни топшириши кутиляпти

“Манчестер Сити”ни 2016 йилдан бери муваффақиятли бошқариб келаётган Хосеп Гвардиола учун жорий мавсум “шаҳарликлар” сафида охиргиси бўлиши мумкин.

Пепнинг клуб билан шартномаси 2025 йилнинг ёзигача тузилган. Бироқ испаниялик мутахассиснинг битимида ҳар мавсумдан кейин келишувни бекор қилиш банди бор.

Манбаларнинг таъкидлашича, Гвардиола “Евро-2024”дан кейин Англия терма жамоасини бошқариши мумкин.

TodoFichajes нашри “Манчестер Сити” хўжайинлари Гвардиоланинг ўрнига бошқа бош мураббий топиб қўйганини ёзмоқда.

Манбага кўра, манчестерликлар “Жирона” бош мураббийи Анхель Мичелни олиб келишни режалаштирмоқда.