Гвардиолани энг кўп асабини бузган футболчи ким?
“Ливерпуль” ҳужумчиси Муҳаммад Салоҳ испаниялик мураббий Хосеп Гвардиола бошқарувидаги “Манчестер Сити”га қарши Англия Премьер-лигасида энг кўп гол урган футболчига айланди.
Бу ҳақда Squawka статистик хизмати хабар берди.
33 ёшли мисрлик футболчи испаниялик мутахассис бош мураббийлик қилган учрашувларда “шаҳарликлар” дарвозасига 18 та учрашувда жами тўққизта гол урган.
Иккинчи ўринни “Лестер Сити”нинг собиқ ҳужумчиси Жейми Варди эгаллади. Англиялик форвард Гвардиола шогирдларига қарши 15 та ўйинда саккизта тўп киритган.
Кейинги ўринларда “Манчестер Сити” дарвозасига бештадан гол урган уч футболчи қайд этилган. Улар орасида Антони Марсьяль 12 та, Маркус Рэшфорд ва Сон Хён Мин 16 талан учрашувда бештадан голни нишонлаган.
Фикрлар