Гвардиоланинг агенти эртага Англияга келади. Чунки…

Англиянинг “Манчестер Сити” клуби бош мураббий Хосеп Гвардиола билан шартномани узайтириш устида иш олиб бормоқда.

47 ёшли мутахассиснинг агенти Хосе Мария Оробитг чоршанба куни янги шартнома борасида инглиз клуби билан музокара ўтказиш учун Манчестерга келади.

Испаниялик мутахассиснинг “шаҳарликлар” билан амалдаги шартномаси 2019 йилнинг ёзида ниҳоясига етади. Бироқ клуб раҳбарлари “Манчестер Сити”нинг бу йилги мазмунли ўйинларидан қониқиш ҳосил  қилишмоқда ва у билан шартномани узайтиришга қарор қилишган.