Гвардиоланинг севимли футболчиси ашаддий рақиб сафида ўйнаяпти

“Манчестер Сити” бош мураббийи Хосеп Гвардиола ёшлар ўртасидаги Англия кубоги финалида “шаҳарликлар”нинг “Манчестер Юнайтед” устидан қозонган 2:1 ҳисобидаги ғалабасидан кейин ўзининг севимли футболчиларидан бирини айтди.

Шунингдек, у трибуналарда ҳар икки жамоа вакиллари борлигини таъкидлади.

- Бу ерда жуда кўп яхши футболчилар бор. Академия анчадан бери яхши ишлаяпти. “Манчестер Юнайтед” ҳар доим яхши ўйнайди. Трибуналарда Омар Беррада ва Жейсон Уилкоксни кўрганимдан хурсандман. Уларнинг иккаласи ҳам сўнгги ўн йилда ушбу клубда муҳим роль ўйнаган.

Шунингдек, трибуналарда “Юнайтед” футболчиларини ҳам кўрдик: Бруну Фернандеш, Люк Шоу бор эди. Шоу менинг энг севимли футболчиларимдан бири, Мэйсон Маунт, мураббий Майкл Кэррик ҳам шу ерда эди. Бу ерга келиш яхши иш бўлди. Чунки бу ерда нафақат “Сити” ва “Юнайтед”, балки бутун инглиз футболи келажаги ҳисобланган футболчилар ўйнашди. Бу ажойиб бўлди. Албатта, биз ғалаба қозонганимиз учун бахтлимиз, - деди Гвардиола City Xtra нашрига.

Гвардиола ёқтирган футболчи Шоу 2014 йилдан буён “Манчестер Юнайтед” сафида тўп тепиб келмоқда. Англиялик ҳимоячи клуб билан бирга Лига кубоги, Англия Суперкубоги ва Европа лигасида ғолиб чиққан.