Гётце янги жамоасида дебют голини уриши учун 9 дақиқа етарли бўлди

Ёзги трансферлар даврида ПСВга эркин агент сифатида бориб қўшилган ярим ҳимоячи Марио Гётце янги жамоаси сафида илк голини урди.

28 ёшли германиялик футболчи Голландия чемпионатининг 5-туридан ўрин олган “Зволле” клубига қарши беллашувнинг 9-дақиқасидаёқ ҳисобни очди. Бу унинг ПСВ сафидаги дебют ўйини эди.

Гётце сўнгги бор 2019 йилнинг 20 декабрь куни “Боруссия” Дортмунд сафида “Хоффенхайм” (1:2) дарвозасини ишғол қилган эди.