Бугун Муборакда “Қизилқум” ҳамда “Навбаҳор” (1:1) иштирокидаги учрашув бўлиб ўтди. Мазкур ўйиндан кейин навоийликлар бош мураббийи Ҳамиджон Актамов журналистларнинг саволларига жавоб қайтарди.

- Ўйин ҳақида фикр билдиришимдан аввал, “Машъал” клубига ва шахсан Илҳомжон Қурбоновга раҳмат айтаман. Бизни оғир кунимизда ўз майдонида ўйин учун барча шароитларни яратиб берди. Бунинг учун миннатдорман. Бугунги учрашув чиройли ўтди, деб ўйлайман. Иккала жамоа ҳам яхши ўйнади. Аммо ҳакамлар тажрибали бўлгани билан кўплаб хатоларга йўл қўйди. Ҳаммамиз ҳакамларга босим қилаверганимиздан улар қўрқиб қолишганми, билмайман. 51-дақиқада Салим Мустафоевнинг оёғини тепиб юборишди, бу қизил карточка эди. Ёнидаги ҳакам вазиятга яқин эди, кўриб турганди. Бу футбол, улар ҳам адашади. Аммо ҳакамлар кўп адашишди. “Навбаҳор” ҳам яхши жамоа. Иккала клубнинг ўз мақсади бор. “Навбаҳор”га кейинги ўйинда омад тилайман.

- Ойбек Қиличев майдонда асабий кўринди. Уни алмаштираётганингизда ҳам қўпол сўзларни айтаётганди. Балки футболчи билан тарбиявий томондан ишлаш керакдир?!

- У майдонда ўзини яхши тутади. Тўғри, алмаштиришга мажбур бўлдик. Аммо Қиличев шундай ўйинчики, у ютқазишни ёмон кўради. Жаҳли чиққанида барибир орқага кетади, олдинга юрмайди. Шунинг учун футболчини мажбуран алмаштирдик.

- “Қизилқум”нинг таркиби жанговор. Жамоа бугун икки очкони йўқотдими ёки бир очкога эга бўлдими?

- Бугун икки очкони йўқотдик, буни тан оламан. Ғалабани ушлаб тура олмадик. Барибир икки очкони 100 фоиз йўқотдик.

- Мустафоев ҳозир жамоа билан биргами ёки жарроҳлик столидами?

- Салимга ҳозир шифокорлар қарашяпти.

- Ҳолати қандай?

- Ҳозир анча яхши.

- Демак, бугунги дурангдан қониқмабсизда-а?

- Йўқ, қониқмадим.

- “Қизилқум”нинг ҳужумларини кўрдикки, вазиятлар бор, аммо унинг якуний нуқтаси ўхшамай қоляпти...

- Бу – футбол. Тўғри, ўхшамай қоляпти, имкониятларни яратяпмиз, етарлича фойдалана олмаяпмиз.

- Тўплар нисбатига қарасак, “Қизилқум”нинг урган голидан ўтказган голи кўпроқ. Бу ҳимоянинг заифлигиданми ёки ўтган турларда кучли рақиблар билан ўйнагани билан боғлиқми?

- Кўп гол ўтказганимизга келсак, 100 фоизли имкониятлардан эмас, балки рақибга ўзимиз голларни “совға” қилиб юборяпмиз. Мана, бугун ҳам Шерали Жўраев қисқа сонияда мувозанатни йўқотгани учун рақиб қарши ҳужумда гол урди. Мана шундай вазиятларда хатоларга йўл қўйяпмиз.

- “Навбаҳор”нинг қайси чизиқларида сизларга муаммолар туғдирди?

- “Навбаҳор” ҳеч қанақа қийинчилик туғдиргани йўқ. Улардан яхши ўйнадик, деб айта оламан. Кўпроқ ҳужумлар уюштирдик. Фақат охирги нуқтани қўядиган ҳужумчи топилмади.  

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Abbos Axmedov
05/05/2021 15:17
Балки шундайдур буни имкор этмаймиз. Умуман жамоамиз тузикро ўйнолмаяти бутун Навбахор мухлислари яни биз ўйинларидан қониқмаямиз ўйин 0

Минбар

Барча блоглар