Ҳаким Фузайлов: "Жамоага янги ҳаво кириб келди"

“Бухоро” клуби про лиганинг 14-турида “Янгиер”ни қабул қилган ҳолда 3:1 ҳисобида ғалаба қозонди. Ушбу ўйиндан кейин “Бухоро” бош мураббийи Ҳаким Фузайлов таассуротлари билан ўртоқлашди.

"Трансфер ойнаси очилганидан сўнг, жамоамиз таркибига бир қатор иқтидорли ёш футболчиларни қўшиб олдик. Йиғинимиз ажойиб тарзда, яхши шароитларда ўтди, десам муболаға қилмаган бўламан. Жамоага янги ҳаво кириб келди.

Ўзингиз кўрдингиз, жамоа яхши томонга ўзгарган. Лекин ҳали қиладиган ишларимиз анчагина. Хатолар бор, ҳимояда бундай хатолар қилиш ярамайди. 1:0 ҳисобида олдинда бўла туриб, бўшашиш керак эмасди. Умуман олганда, бугунги ўйин ижобий таассурот қолдирди. Асосийси, натижа. Олдимизда жамоани Суперлигага чиқариш вазифаси турибди. Турнир жадвалидаги лидерлар билан орадаги фарқ катта. Яна 4 турдан кейин турнирдаги ўйинлар якунланиб, плей-офф босқичи бошланади ва айнан ўша ерда барчаси ҳал бўлади", - деди Ҳаким Қаюмович.