Ҳали Бабаянни селекцияда якунламаган иши бор...

2024 йилги чемпионатимиз олдиндан қандай ўтишини тасаввур қила оляпсизми? Менимча, ҳа. Янги бошланажак Суперлига ўз номига ва мақомига ҳар қачонгидан мос равишда ўтишини ўйлаётган бўлсангиз керак-а? Бунга сабаб чемпионлик учун даъвогар клублар қишки селекциядаёқ трансферлар борасида жиддий рақобатлашишяпти. Айниқса, “Насаф”, “Нефтчи” ва “Навбаҳор” тан олиш керак, ҳозирда ном жиҳатидан бошқаларда сезиларли даражада кучайишди. Албатта, қолганини майдонда кўрамиз. Лекин амалга ошираётган трансферларидан бу клубларнинг мақсади ўта жиддийлиги сезиляпти.

навбаҳорё_1

Куни кеча “Навбаҳор” клуби селекцияда иккита жиддий юришни амалга оширди. “Пахтакор”нинг асосий футболчилари – Фарруҳ Сайфиев ва Одил Ҳамробеков расман “Навбаҳор” аъзосига айландилар. Бу орқали Самвел Бабаян рақобатчиларини ортда қолдира олди. Чунки икки футболчига харидорлар етарлича эди.

“Навбаҳор” ўтган йили ўз мақсадига эриша олмагач, кўпчилик янги мавсумда наманганликлар сафини ёшартирилишини тахмин қилишганди. Бунинг устига жамоа “мотори” ва юрагига айланган Остон Ўрунов клубни тарк этганди. Шунга қарамай, наманганликлар янги мавсумда ҳам яна жиддий мақсадлар учун курашиши маълум бўлди.

ўрунов_1

Бабаян Ўрунов кетган бўлса, ўрнини унинг даражасидаги футболчилар билан тўлдиришни уддалаяпти. Бошида наманганлик ишқибозларда Ўруновнинг кетиши туфайли хафагарчилик кайфияти йўқ эмасди. Бабаян эса Сайфиев ва Ҳамробеков трансферидан сўнг “Навбаҳор” мухлисларини тинчлантиряпти. Дарвоқе, ундан аввал Руслан Жиянов билан Сиявуш Ҳақназари ҳам қўлга киритганини унутмаслик керак. “Насаф” ва “Нефтчи”нинг ўзига яраша катта трансферларидан сўнг бу ёқда Бабаяндан ўзига хос “юришни” кўряпмиз. Афтидан, бу ҳали ҳаммаси эмас. “Навбаҳор” яна “бомба” трансферни амалга ошириш тараддудида.

одил1_1

Албатта, “Навбаҳор”ни тарк этган футболчилардан хабардор бўлсангиз керак. Ўруновдан ташқари, Шаҳбоз Жўрабеков, Даврон Ҳошимов, Жасурбек Яхшибоев, Дониёр Абдуманнопов, Лука Чермель, Темурхўжа Абдухолиқов ҳамда Игнатий Нестеров клуб билан хайрлашишган. Самвел Бабаян таркибни қандай ва кимлар ёрдамида тўлдиришни жуда яхши билади. Юқоридаги трансферлар бунга яққол мисол.

Ҳа, сифат жиҳатидан ҳам “Навбаҳор” жуда фойдали ва ўта зарур ўйинчиларни қўлга  киритяпти. Ҳали Бабаянни селекцияда якунламаган иши бор...

Шуҳратбек Жўраев.

 

Фикрлар

Саралаш
Фикр қолдириш учун авторизациядан ўтинг!
Yunusov Bahrom
02/02/2024 15:28
Jaloldo ham shu yerda
Жавоб ёзиш
Искандар Нарзикулов
02/02/2024 09:31
Жозе билан Самвелни иш услиби бир бирига ухшаш тайерига айеор йакунда мана
Жавоб ёзиш
&
chorvoq
02/02/2024 08:32
Хали Навбахор Рустам Ашурматов ва Азиз Турғунбоевни хам таништиришни кутиб турибди
Жавоб ёзиш
&
chorvoq
02/02/2024 08:29
Бу йил хам хомийлар анча бақувват, пул хақида қайғуравермаймиз мухлислар, шунча маблағ эссиз, ундан кўра касалхона, мактабга бермайдими деб. Бутун бошли Наманган вилояти учун нормал холат. Бу проект яна икки йил давом этиши такидланган
Жавоб ёзиш
&
Камбарали дехконов
02/02/2024 07:27
Шунча олди сотига кетган маблакка Чемпионликни сотиб олса булар.Сумма анча баланд начора чидаймиз.
Жавоб ёзиш
Тажибоев Мирзаакбар
02/02/2024 06:35
Жалолиддин Машарипов хам Навбахорда олға йигитлар
Жавоб ёзиш
Бойдедаев Толиб
02/02/2024 02:27
Bir chempion bo‘laylik hudo hohlasa nechyildan beri kutyamiz ahir
Жавоб ёзиш