Ҳаммаси тугади! Хаби Алонсо зиддиятдан кейин Винисиус бўйича якуний қарорини айтди

“Реал Малрид” бош мураббийи Хаби Алонсо жамоанинг бразилиялик легионери Винисиус Жуниор масаласи бўйича ўзининг якуний қарорини омма эътиборига ҳавола этди.

Эслатиб ўтамиз, бразилиялик футболчи “эл-класико”нинг 73-дақиқасида захирага олинган паллада Хаби Алонсога очиқчасига эътироз билдирган, захирага ўриндиғига бормай, тўғри ичкарига кириб кетган. Бундан ташқари, учрашув тугаганидан кейин “Барселона” етакчиси Ламин Ямил билан жанжал келтириб чиқарган.

Бўлиб ўтган воқеалардан кейин Винисиус клуб, жамоадошлари ва президентдан узр сўради, бироқ Хаби Алонсонинг номини келтириб ўтмади.

Бу масала бир неча кун ичида чуқурлашиб кетди. Винисиус Жуниор клубдан кетиши мумкинлиги ҳақида маълумотлар тарқатилди. Масалага клуб хўжайини Флорентино Переснинг ҳам аралашишига тўғри келди.

Зиддият фонида Хаби Алонсо ўз қарорини билдириб ўтди.

-  Винисиус Жуниор қилмишлари учун жазога тортилмайди. Масала ёпилди. Унинг жамоа олдидаги узри ҳамма учун кифоя, деб ҳисоблаймиз, - деди Хаби Алонсо.