Ҳаммаси ёлғон! Мундиал олдидан терма жамоадаги можарога президент аралашди

Жаҳон чемпионати бошланишига бир неча кун қолганида, Франция футбол федерацияси (FFF)  терма жамоанинг мукофот пулларини камайтирмоқчи экани ҳақида маълумотлар тарқалди.

“Ланс” ва “Ницца” ўртасидаги Франция кубоги финали муносабати билан “Стад де Франс” стадионига келган FFF президенти Филипп Диалло RMC микрофони қаршисида бу хабарни кескин рад этди.

​- Мен ҳам бу хабарни ўқидим ва жуда ҳайрон қолдим, чунки у ерда ёзилганларнинг ҳаммаси ёлғон. Мен футболчилар билан учрашганим ҳам, улар билан мукофот пуллари ҳақида гаплашганим ҳам йўқ.

Ҳаммангизни тинчлантирмоқчиман, Федерациянинг молиявий аҳволи аъло даражада. Бу йилги бюджетимизни ижобий якунлаймиз, келаси йили эса рекорд даражадаги бюджетни тақдим этмоқчимиз.

Бу иддаолар қаердан пайдо бўлганини билмайман, лекин уларни мутлақо асоссиз деб айта оламан. Қолаверса, Федерациянинг асосий мақсади ҳар доим Франция терма жамоасига ўз олдига қўйилган спорт мақсадларига эришиши учун энг яхши шароитларни яратиб беришдир, - деди футбол федерацияси раҳбари Филипп Диалло.

Президент тушунмовчиликка барча нуқталарни қўйиб берди.