Hamzat Chimaev: Tez orada UFC’da qirol kimligini ko‘rsataman

UFC’ning o‘rta divizionida (84 kg gacha) ishtirok etayotgan mashhur chechen jangchisi Hamzat Chimaev muxlislarga murojaat qildi.

“Qiyin kunlar kuchli odamlarni yaratadi. Bu men uchun hech qachon oson bo‘lmagan va bu osonroq bo‘ladi degan xayolga ham kelmaganman. Tez orada bu erda qirol kimligini ko‘rsataman”, — deb yozdi Chimaev o‘zining ijtimoiy tarmoqlarida.

Eslatib o‘tamiz, 22 iyun kuni Saudiya Arabistonida bo‘lib o‘tadigan UFC turnirida Chimaev avstraliyalik Robert Uittaker bilan jang o‘tkazishi kerak edi, biroq Hamzatning sog‘lig‘i bilan bog‘liq muammolar tufayli jang bekor qilindi. Chimaev o‘rniga avstraliyalik bilan boshvp bir rossiyalik jangchi – Ikram Aliskerov chiqdi. Uittaker uni birinchi raunddayoq nokaut bilan mag‘lub etdi.