Ҳақиқатни Роналдунинг ўзи айтиши керак!

“Манчестер Юнайтед” плеймейкери Бруну Фернандеш жамоадоши Криштиану Роналду ҳақида фикр билдирди.

- Роналдунинг келажаги борасида турли тахминлар кўп, лекин бор гапни унинг ўзи айтиши керак. Мен бу масала ҳақида айрим нарсаларни билганим билан улар менинг ишим эмас.

Роналдунинг ўзи анча хотиржам, ўтган ҳафта анча тер тўкиб меҳнат қилди. У ўз ишини илгари қандай бажарган бўлса, ҳамон шундай қилмоқда.

Айни пайтда Криштиану “Манчестер Юнайтед” ўйинчиси, келажакда қоладими ёки йўқ, мен буни билмайман.

Ўзи таъкидлаганидек, яқинда Роналду бор гапни айтиб беради ва ўшанда ҳаммасини унинг ўзидан сўраб олиш имкониятингиз бўлади.

Мен ҳозир “Манчестер Юнайтед”да Роналдунинг қолишига бирор киши қаршилик қилади, деб ўйламайман. У ҳамон юқори савияда ўйнаб, кўп гол уришга қодир. Биз Криштианунинг ҳар қандай қарорини ҳурмат қилишимиз керак, - деди Бруну Фернандеш.