Ҳарри Кейн "Олтин тўп"ни олгандан сўнг Мбаппе ва Ямалга "насиҳат" қилди

Ҳарри Кейн «Олтин тўп» учун овоз беришда ғолиб чиқди ва футболчи учун энг орзули совринни қўлга киритди. Иккинчи ўринни Килиан Мбаппе эгаллаган бўлса, учликни ёш истеъдод Ламин Ямаль якунлади.

Сўнгги ойларда Мбаппе ва Ямал бир неча бор омма олдида ўз даъволарини билдиришган эди. Франция ва Испания юлдузлари интервью ва баёнотларида «Олтин тўп»га муносибман, деган фикрни очиқ айтган. 

Ҳарри Кейн эса анча камтарона йўл тутди: у фақат шу мавсум карьерасидаги энг яхши йил бўлганини, шу боис совринга даъвогарлар қаторида эканини, қолгани эса овоз берувчилар ихтиёрида бўлишини таъкидлаб келди.

«Олтин тўп»ни қўлга киритганидан сўнг Кейн ижтимоий тармоқларда қисқа, аммо маъноли пост қолдирди. Кўпчилик бу сўзларни Килиан Мбаппе ва Ламин Ямалга нисбатан нозик ишора, деб баҳоламоқда.

«Жимгина қаттиқ меҳнат қил. Қўй, сенинг ўрнингга муваффақият гапирсин», – деб ёзди Кейн.

«Бавария»нинг навбатдаги ўйини 28 октябр куни бўлиб ўтади. Мюнхен клуби Германия кубоги доирасида «Магдебург»га қарши майдонга тушади.