Ҳеч ким жамоасида Винисиусдек ўйинчи бўлишини хоҳламайди

Мадриднинг «Реал» ва «Валенсия» жамоалари собиқ дарвозабони Сантьяго Канисарес «Реал» ҳужумчиси Винисиус Жуниор ҳақида кескин фикр билдирди. Унинг таъкидлашича, бундай характерга эга футболчини ҳеч бир жамоа ўз сафида кўришни истамайди.

«Ёзда унинг атрофида катта баҳслар бўлди. Шартномасининг тугашига бир йил қолганди — ёки сотиш керак, ёки йўқ. У майдонда жамоага берган фойдаси билан, клубдан олаётган нарсаларини солиштиришди. Ва нима бўлди, биласизми? Ҳеч ким уни олишни истамади», — дея Канисареснинг сўзларини derbyderbyderby.it нашри келтиради.

Эслатиб ўтамиз, Винисиус 2019 йилдан бери мадриднинг «Реал» жамоаси шарафини ҳимоя қилиб келмоқда.