Ҳужумчи сўраган "Астон Вилла"га рад жавоби берилди

«Астон Вилла» ҳужум чизиғини кучайтириш мақсадида «Кристал Пэлас» форварди Жан-Филипп Матетани ўз сафига қўшиб олишни режалаштирмоқда.

The Times нашри хабарига кўра, Бирмингем клуби француз футболчи учун тахминан 25 миллион фунт таклиф қилган, аммо бу миқдор «Кристал Пэлас»ни қониқтирмаган. Лондон жамоаси Матета трансфери бўйича музокараларга тайёр, аммо унинг баҳосини 40 миллион фунт атрофида кўрмоқда.

«Астон Вилла»нинг Матетага бўлган қизиқиши, аввало, ҳужумчи Олли Уоткинснинг келажаги ноаниқлиги фонида кучайган. Уоткинсга Саудия Арабистонининг «Ал-Ҳилол» клуби жиддий даъвогарлик қилмоқда. Шу билан бирга, бирмингемликлар «Челси» ҳужумчиси Николас Жексон номзодини ҳам кўриб чиқмоқда.

«Астон Вилла» янги мавсумни Англия премьер-лигасида омадсиз бошлади — жамоа биринчи турда «Брайтон»га 0:4 ҳисобида мағлуб бўлди. «Кристал Пэлас» эса старт учрашувида «Эвертон»га 0:2 ҳисобида имкониятни бой берди.