"Ҳумо" 3 нафар ҳоккейчи билан шартнома имзолади

Тошкентнинг "Ҳумо" клуби расмий саҳифалари орқали 3 нафар ҳоккейчи билан шартнома имзоланганини эълон қилди.

"Алексей Кириллов - 29 ёшлик ҳимоячи, Новокузнецк “Металлург”ининг тарбияланувчиси. Сўнгги клуби: ОХЛда иштирок этувчи Ханти-Мансийскнинг “Югра”си, ҚХЛда “Спартак” ва “Лада” жамоалари таркибида 97 та ўйин ўтказган. 2020/2021 йилги мавсумда эса ОХЛ чемпионига айланган.

Ҳужумчи Евгений Попитич - Перм ҳоккей мактаби тарбияланувчиси. Бир нечта мавсумни Қозоғистон чемпионатида иштирок этадиган “Қулагер” жамоаси таркибида ўтказди, ўтган мавсум Польшанинг “Краковию” жамоасида бўлди. Евгений - 2019/2020 мавсумда “Ҳумо” таркибида бўлган Артём Попитичнинг акасидир.

Ҳужумчи Андрей Караваев. Новокузнецк ҳоккей мактаби тарбияланувчиси ўтган мавсумни ОХЛда иштирок этаётган “Тамбов” ХК таркибида ўтказди. Новокузнецк “Металлург”и таркибида ҚХЛда 23та ўйинда иштирок этди",-дейилади клуб матбуот хизмати хабарида.