"Ҳумо" хоккейчилари фаолиятини яна бир жамоада давом эттиради

Тошкентнинг "Ҳумо" жамоаси ҳужумчиси Павел Здунов фаолиятини Тольяттининг "Лада" клубида давом эттиради. Иқтидорли хоккейчи ўтган мавсум "қанотлилар" сафида 64 беллашувда музга тушиб, 16 бор рақиблар дарвозасини ишғол қилишга эришган эди.

Илгарироқ, "Лада" Арсений Ерохин ва Нодир Ислямов билан ҳам бир йиллик келишувга эришгани ҳақида хабар берган эдик. Шу тариқа, тольяттиликлар сафида "Ҳумо"нинг 3 нафар собиқ хоккейчиси фаолиятини давом эттирадиган бўлди.