Ҳумоюн Муртазоев:

Бугун Coca-Cola Суперлигасининг 24-турида “Машъал” клуби ўз майдонида “Навбаҳор”ни 3:0 ҳисобида таслим этди. Натижада 9 ўйинлик ғалабасиз сериясига нуқта қўйди.

Ушбу учрашувда мезбонлар ҳужумчиси Ҳумоюн Муртазоев ҳам ғалабага катта ҳисса қўшди ва ўз ҳисобига битта гол ёзиб қўйди. Учрашувдан кейин sports.uz сайтига йирик ҳисобдаги ғалаба хусусида шундай деди:  

- Бугунги ўйин ажойиб ўтди. “Навбаҳор”га қарши жиддий тайёрлангандик. Ушбу учрашув биз учун финалдек эди. Шундай қийинчиликка қарамай, матонат кўрсатиб ўйнаган жамоадошларимга раҳмат ва бизни стадионда қўллаб-қувватлаб турганларга ҳам алоҳида миннатдорчилик билдираман.

“Машъал”га ўтганимдан кейин учинчи голимни урдим. Биламан, ҳужумчи учун бу жуда кам. Орада эса жароҳат олдим. Кейин тикланиш бироз қийин кечди. Натижада бир қанча баҳсларни ўтказиб юборишимга тўғри келди.

Яширмайман, жамоамизда молиявий қийинчилик бор. Лекин барчаси яхши бўлишига ишонамиз. Агар бугун ютмасак ўзимиз қийналиб қолардик. Молиявий томондан шундай қийинчилик бўлиб турганида майдонда бор кучини бериб тўп сурган жамоадошларимизга раҳмат, - дея муносабат билдирди, Муртазоев.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
SHAXBOZ BEKMURODOV
24/11/2020 22:43
Malades. Haqiqat egiladi bukuladi lekin sinmaydi, soxtakordek soxta chempionlikdan kura yutub yutqazib el ardog‘ida yurgan yaxshi. Muborakdagi gaz paytaxtliklargamas Mashalga homiylik qilsa bunday inqiroz bo‘lmaydi