Ҳусанов “Ғаройиб бешлик”дан жой олди!
Замонавий тақвим бўйича 29 февраль санаси – тўрт йилда бир келади. Бугунги кунда Ўзбекистоннинг энг машҳур футболчиси Абдуқодир Ҳусанов айнан мана шу санада туғилган.
Бу йил 22 ёшни қарши оладиган легионеримиз табрикларни 28 февраль ёки 1 март куни куни қабул қилиб олишига тўғри келади. Чунки бу йил февраль ойи 28 кундан иборат бўлади.
Хорижий манбалардан бири – wionews.com сайти ижодкори Адитья Видьядхар Пимпале жаҳон спортида 29 февралда туғилган беш нафар машҳур спортчилар ҳақида маълумот чоп этди.
Ушба “Ғаройиб бешлик”дан Абдуқодир Ҳусанов ҳам жой олди. Марҳамат улар билан танишинг.
1. Ферран Торрес (испан футболчиси) – 2000 йил 29 февралда туғилган.
Ферран Торрес бугунги кунда “Барселона”нинг асосий тўпурари ҳисобланади ва жамоа етакчиси мақомига эришиб бўлган. 26 ёшни қаршилайдиган футболчи “Валенсия” тарбияланувчиси ҳисобланади.
Торрес 2020-2022 йиллар давомида орада икки “Манчестер Сити” шарафини ҳимоя қилганидан кейин уни “Барселона” 55 миллион евро эвазига ўз сафига қўшиб олди.
Тезлиги ва универсаллиги билан ажралиб турадиган Ферран Торрес Испания терма жамоаси сафида 53 та учрашувда рақиблар дарвозасига 23 та тўп киритган.
2. Абдуқодир Ҳусанов (ўзбек футболчиси) – 2004 йил 29 февралда туғилган.
Абдуқодир Ҳусанов ҳам тўрт йилда бир келадиган 29 февралда туғилган футболчилардан. Ҳусанов Ўзбекистон ёшлар терма жамоаларидаги ишончли ўйинлари билан Европа клублари эътиборини қозонди. Профессионал фаолиятини Беларусда бошлаган ҳимоячи қисқа фурсатда Франциянинг “Ланс” клубига трансфер қилинди. Бир ярим йилдан сўнг уни “Манчестер Сити” олиб кетди.
Ўзбекистонлик ҳимоячи тезкорлиги, жисмоний куч-қуввати, турли масофаларга аниқ пас бериш қобилияти, тактик саводи ва майдонни кўра олиш қобилияти билан эътироф қозонган. Ҳусанов бу йил жаҳон чемпионатида иштирок этадиган Ўзбекистон миллий терма жамоаси сафида 24 та ўйинда майдонга тушган.
3. Эрик Кендрикс (АҚШнинг NFL – америкача футбол ўйинчиси) – 1992 йил 29 февралда туғилган.
Эрик Кендрикс мураккаб спорт тури – америкача футболнинг ёрқин вакилларидан. Эрик NFL мусобақаларида лайнбекер позицияда ўйнайди. Машҳур спортчи ўзининг етакчилик фазилатлари ва ҳимояда ақл билан ўйнай олиши билан танилган.
Кендрикс All-Pro рамзий жамоасига киритилган ва лиганинг энг барқарор ҳимоячиларидан бири сифатида обрў-эътибор қозонган.
4. Кэмерон Уорд (канадалик NHL хоккей ўйинчиси) – 1984 йил 29 февралда туғилган.
Кэмерон Уорд профессионал хоккейда ноёб қобилиятларга эга спорчилардан. Канадалик дарвозабон 2006 йилда “Каролина Харрикейнз” клубини тарихда илк Стэнли кубогига олиб чиққани билан машҳур.
Уорд плей-оффнинг энг қимматли ўйинчиси сифатида Конн Смайт совринини қўлга киритган ва ўз даврининг энг машҳур NHL дарвозабонлари қаторида ўрин олган.
5. Бенедикт Хёведес (немис футболчиси) – 1988 йил 29 февралда туғилган.
Бенедикт Хёведес универсал ҳимоячи бўлган. Маҳорати эвазига “Шальке 04” жамоасида сардорлик қилган. Бенедикт етакчилик фазилатлари ҳамда ҳимоядаги ишончли ўйинлари билан танилган.
Хёведес 2014 йили футбол бўйича жаҳон чемпионатида ғолиб бўлган Германия терма жамоаси таркибида ўйнаб, Бразилиядаги муваффақиятга катта ҳисса қўшган.
Шомуродов ва Марко Асенсио эътиборни тортди!
Ҳусанов “Манчестер Сити” трансфер сиёсатига жиддий таъсир ўтказяпти
Италия матбуоти: Шомуродов қимматбаҳо юлдузларни сўндириб қўйди
Фикрлар