Ҳусанов мухлисларига хушхабар: Ҳаммаси кутилганидек бўлди!

Абдуқодир Ҳусанов ўйнаётган “Ланс” октябрь ойида Франция чемпионатида учта учрашув ўтказиб, биттадан ғалаба, дуранг ва мағлубият қайд этди.

“Ланс” фаолиятини ёритиб келаётган lensois.com портали ана шу учта ўйин асосида октябрь ойининг энг яхши футболчисини аниқлади. Ғолиб мухлислар ўртасида онлайн сўровнома ташкил этиш орқали аниқланди.

Таъкидлаш лозимки, октябрдаги учрашувларда “Ланс” тўртта тўп ўтказиб юборди. Шундай бўлса-да, Абдуқодир Ҳусановнинг ўйинига ҳеч қандай эътироз бўлгани йўқ. 20 ёшли легионеримиз бу учта беллашувни учта позиция ҳимоя чизиғининг маркази ва икки қанотида ўтказди. Шунга қарамай, учала нуқтада ҳам фаол ва бехато ўйнади.

Сўровнома натижалари ўзбек легионерини рақобатчиларини катта фарқ билан ортда қолдирганини кўрсатди.

Натижалар билан танишинг:

Абдуқодир Ҳусанов: 82,84%

Факундо Медина: 7,93%

Энди Диуф: 2,58%

Бошқалар: ҳар бири 2 фоиздан кам.

Эслатиб ўтамиз, Франция чемпионатининг янги мавсуми бошланганидан бери Кевин Дансо август ойининг энг яхши футболчиси бўлган эди. Сентябрь ойида Абдуқодир Ҳусанов жамоасининг энг зўр ўйинчиси бўлди.

Мана энди октябрь ойида ҳам ютуқ ўзбек футболчисига насиб қилди.

Бундан ташқари, 20 ёшли ҳимоячимиз мавсум давомида “Ланс”нинг барча учрашувларидан аксариятида жамоасининг энг фаол ўйинчиси номига сазовор бўлди.

Бугунги кунда Абдуқодир Ҳусанов нафақат Франция чемпионатининг, балки Европанинг “топ-5” лигаларидаги ўнг зўр марказий ҳимоячиларидан бири сифатидан эътироф этилмоқда.

Европа матбуоти ўзбек футболчисига Франция, Англия, Италия, Германия чемпионатларининг ўндан зиёд клублари жиддий қизиқиш билдираётганини ёзмоқда.

Эслатиб ўтамиз, Абдуқодир Ҳусанов “Бунёдкор” тизимидан етишиб чиққан. Профессионал фаолиятини Беларусь чемпионати олий лигасида “Энергетик-БГУ” жамоаси сафида бошлаган.

2023 йилнинг ёзида “Ланс” истеъдодли ўйинчимизни ўз таркибига қўшиб олди. Шундан бери Ҳусанов Франция чемпионатида иштирок этаётган биринчи ва ҳозирча ягона футболчимиз ҳисобланади.

Легионеримизнинг муваффақиятли ўйинлари туфайли унинг трансфер суммаси бир неча баравар ошди. Ҳозирги кунда transfermarkt.world портали экспертлари Ҳусановни 5 миллион еврога баҳоламоқда. Мутахассисларнинг таъкидлашича, мавсум охирига қадар ўзбек футболчисининг трансфер суммаси кўтарилишда давом этади.

Осиёни забт этган Файзуллаевга “топ-5”даги қайси лигага боришини айтишди

Ҳусанов бўйича “Челси”нинг позицияси маълум бўлди...

Бир неча метрдан гол уролмаган Шомуродовнинг ўйини қандай баҳоланди?

Файзуллаевнинг нархи кўтарилиб кетади!Файзуллаев катта гапириб юборди!