Иан Гарри Ислом Махачевни мағлуб этади(ми?)

UFC юлдузи Чарльз Оливейра россиялик Ислом Махачев ва Ирландия вакили Иан Гарри ўртасидаги тўқнашув ҳақида ўз фикрларини билдирди.

"Ианнинг Махачевни мағлуб этиш имконияти жуда катта. Буни Гарри менинг дўстим ёки жамоадошим бўлгани учун айтмаяпман. Биз ирланднинг қандай машғулот ўтаётгани, қай тарзда тайёрланаётганини кўриб турибмиз. Тўғри, қарши томонда жуда кучли рақиб бор. У тўлиқ ҳурматга лойиқ. Лекин очиғини айтсам, фикримча, Ианнинг ғалаба қозониш имконияти жуда юқори. Чунки у жуда стратегик жанг қилади ва режадан чекинмайди", – деди Оливейра.

Эслатиб ўтамиз, Махачев (28-1) ва Гарри (17-1) қарама-қаршилиги 16 август куни "UFC 330" турнирида ўтказилади.