Ибрагимович Швеция терма жамоасига нега чақирилганини айтди

“Милан” ҳужумчиси Златан Ибрагимович 5 йиллик танаффусдан сўнг, яна Швеция терма жамоасига чақирилгани ҳақида гапириб ўтди.

“Аввалги хизматларим учун терма жамоага чақирилишини истамайман. Ҳозир жамоага нимадир беришим учун мени чақиришмоқчи. Мен бундан беш, ўн, ўн беш ёки йигирма йил олдингидек футболчи бўла олмайман. Энди мен бутунлай бошқача жисмоний ҳолатга эгаман ва бошқача ўйнайман. Аммо мен жуда юқори даражани сақлаб турибман.

Мени Златан бўлганлиги учун терма жамоага чақиришмади. Мени ушбу жамоага нимадир бериш учун чақиришди. Мен ушбу чақирувга лойиқман деб ўйлайман”, - деди 39 ёшли футболчи.