Иброҳимҳалил Йўлдошев: Халқаро даражадаги ўйинларда босим юқорироқ

Осиё Чемпионлар Лигаси гуруҳ босқичининг 5-турида "Пахтакор" Ироқнинг "Эйр Форс" клубига қарши курашга киради. Ушбу беллашув олдидан "шерлар" қанот ҳимоячиси Иброҳимҳалил Йўлдошев қуйидаги фикрларни билдириб ўтди:

"Сўнгги ўйинда зафар қучишга интиламиз. Мухлисларни ҳеч бўлмаганда мазкур ютуқ билан хурсанд қилишни истаймиз. Таркибда мен каби ёшлар кўп ва кўпчилик яхши савияда ўйнай олади. Мураббий ишончини оқлашга интиламиз. Халқаро даражадаги ўйинларда босим юқорироқ. Ёш футболчилар бундай беллашувларда катта тажрибага эга бўлади. Келажакда бу бизга асқотади", - деди Йўлдошев. 

Ўйин эртага Тошкент вақти билан 20:00 да старт олиши режалаштирилган.