Икарди АПЛ клубидан бўлган таклифни рад этди

ПСЖ ҳужумчиси Мауро Икарди "Вулверхэмптон"нинг таклифини рад этди, дея хабар бермоқда журналист Николо Скира.

Аввалроқ, аргентиналик ҳужумчи учун Италиянинг “Монца” клуби ҳам таклиф юборгани хабар қилинганди.

Икардининг парижликлар билан амалдаги шартномаси 2024 йилнинг ёзига қадар тузилган. Трансфермаркт портали 29 ёшли футболчини 22 миллион еврога баҳоламоқда.

Икарди ўтган мавсумд ПСЖ сафида жами 30 та ўйинда майдонга тушиб, 5 та гол урди. Футболчи 2020 йилнинг ёзидан буён парижликлар шарафини ҳимоя қилиб келмоқда.