Икарди ПСЖдан кетади

ПСЖ ҳужумчиси Мауро Икарди ёзги трансферлар даврида жамоасини ўзгартирмоқчи.

L'Equipe нашри тарқатган хабарга кўра, 28 ёшли аргентиналик футболчи ўзининг бу борадаги истагини клуб раҳбариятига ҳам маълум қилган. Икардининг агенти аллақачон мижозига янги жамоа қидиришни бошлаб юборган.

Икардининг ПСЖ билан амалдаги шартномаси 2024 йилга қадар имзоланган. Унинг трансфер нархи 55 миллион еврога баҳоланмоқда.

Мауро жорий мавсум парижликлар сафида 26 та ўйинда иштирок этди ва рақиблари дарвозасига 12 та гол уришга эришди.