Икардининг голлари ПСЖга 3 очко келтирди

Франция чемпионати 5-туридан ўрин олган "Реймс" - ПСЖ учрашуви якунланди. Унда меҳмонлар 2:0 ҳисобида ғалаба қозонди.

Дастлаб, тезкор гол билан жамоасини олдинга олиб чиққан Мауро Икарди 62-дақиқада ҳисобдаги фарқни иккитага етказди. Қизиғи, киритилган ҳар икки голга ҳам Килиан Мбаппе ҳаммуаллифлик қилди.

Ушбу натижадан кейин ПСЖ онлайн турнир жадвалида 7-ўринни эгаллаб турган бўлса, "Реймс" 19-поғонани банд этмоқда.

• 90+6'
  

  ЎЙин тугади! Матнли трансляция Жавоҳир Азимов томонидан олиб борилди.

• 90+5'

  Учрашувни Сарабиянинг ноаниқ зарбаси якунлаб берди.

• 90+4'
  

  Қўпол ўйнагани учун Маркиньос сариқ карточка олди.

• 90+3'

  Стандарт вазиятдан Неймар фойдалана олмади.

• 90+2'

  Шавалерин рақибига нисбатан қўпол ҳаракат қилди.

• 90'
  

  Ўйиннинг асосий вақтига 5 дақиқа қўшиб берилди.

• 88'

  Сарабиянинг жарима майдони яқинидан йўллаган зарбаси ноаниқ кетди.

• 85'
  

  Абду Диалло Кимпембе ўрнига майдонга тушди.

• 83'

  Ўйин темпи пасайиб кетди.

• 81'
  

  Морету Кассама захирага олинди. Қолган вақт давомида унинг ўрнига Фрейзер Хорнби ўйнайди.

• 77'
  

  Дубль муаллифи Икарди захирага олинди. Унинг ўрнига Сарабия майдонга тушди. Шунингдек, Ди Мария ўз ўрнини Руис Атилга бўшатиб берди.

• 75'

  Маркиньос ҳужумга фаол қўшилмоқда. Унинг бу сафарги зарбаси ноаниқ кетди.

• 74'
  

  Томас Фоке ҳам сариқ карточка олди.

• 71'

  Арбер Зенелининг зарбаси ноаниқ кетди. Мезбонлар ҳам ҳужум уюштиришни бошлади.

• 69'
  

  Андер Эррера ўйинга қўшилди. У Юлиан Дракслер ўрнида ҳаракат қилади.

• 68'
  

  Неймар жарима майдони ташқарисидан зарба йўллади. Бироқ дарвозабон тўпни қайтариб юборди.

• 66'

  Бош ҳакам марказга ишора қилди. Гол инобатга олинди.

• 65'
  

  Натанаэль Мбюкю майдонни тарк этди. Унинг ўрнига Арбер Зенели ҳаракат қилади.

• 64'

  Бош ҳакам ВАРга мурожаат қилди ва ўйиндан ташқари ҳолатни текширишларини сўради.

• 62'
  

  ГООООООООООЛЛЛЛЛЛЛ!

  Икарди ҳисобдаги фарқни оширди. Уни Мбаппе очиқ дарвоза қаршисида қолдирганди.

• 60'

  Барчаси жойида: Неймар майдонга қайтди.

• 59'
  

  Мезбонлар сафида ўзгариш: Донис ўрнига Булае Диа майдонга тушди.

• 57'
  

  Неймар жароҳат олиб, майдонда ётибди. Унга тиббий ёрдам керак.

• 54'
  

  Ҳужумга ўтган меҳмонлар аъзоси офсайдда қолиб кетди.

• 52'
  

  Юлиан Дракслер ҳам огоҳлантирилди.

• 51'

  "Реймс"нинг иккинчи таймдаги илк вазиятини Донис яратди. Аммо унинг узатмасини жамоадошлари тушунмади.

• 48'

  Неймарнинг узатмасини Райкович ушлаб олди.

• 46'
  

  Иккинчи тайм бошланди!

• 45+1'
  

  Танаффус!

• 45'
  

  Биринчи таймга 1 дақиқа қўшилди.

• 45'

  Неймар Икардини қулай позицияга чиқарди. Лекин фргентиналик форвардга бироз тезлик етишмади.

• 44'

  Меҳмонлар тинмай жарима майдони ичига узатмалар амалга оширмоқда. Бироқ уларнинг аксарияти ноаниқ чиқмоқда.

• 43'

  Дарҳол қарши ҳужумга ўтиб, 3 рақибини ортда қолдирган Неймар ўткир бурчакдан дарвозани ишғол қила олмади.

• 42'
  

  Меҳмонларнинг камсонли зарбасини Навас ушлаб олди.

• 41'
  

  Дракслернинг узатмасини ҳимоячига тегиб, майдондан чиқиб кет.

• 39'

  Узоқ бўлмаган масофадан жарима зарбасини ижро этган Неймар мўлжалда бироз янгишди. Тўп тўсин устидан ўтиб кетди.

• 37'

  Маркиньоснинг жарима майдони ичидан берган зарбасини дарвозабон осонлик билан ушлаб олди.

• 35'
  

  Морето Кассама сариқ карточка билан жазоланди.

• 33'
  

  Мезбонлар вакили ўйиндан ташқари ҳолатда қолиб кетди.

• 29'
  

  Мауро Икардига тиббий ёрдам кўрсатилди.

• 28'

  Мбаппе жарима майдони ичида тўпни эгаллади, аммо зарба беришига рақиблари имконият қолдирмади.

• 26'

  Қанотдан узатилган тўпга Икарди ета олмади. Ундан аввал ҳимоячи тўп йўналишини бироз ўзгартирган эди.

• 24'

  Ди Мария ўнг қанотда тўпни қабул қилиб, марказга юрди ва зарба берди. Тўп тўсин юқорисидан ўтиб, майдонни тарк этди.

• 21'

  "Реймс"нинг камсонли ҳужумларидан навбатдагисини меҳмонлар жарима майдонига кирмасданоқ бартараф этмоқда.

• 18'
  

  Қанотдан Ди Мария лўирган тўпни Икарди дарвозага тўғирлади. Аммо дарвозабон ўз ўрнида.

• 16'

  Икарди билан девор услубида ўйнаган Ди Мария жарима майдони марказидан ноаниқ зарба берди.

• 15'

  Устунлик тўлиқлигича меҳмонлар тарафда.

• 13'

  Бурчакдан етказилган тўпга Икарди ноаниқ зарба берди.

• 12'
  

  Дракслернинг жарима майдони ичидан йўллаган зарбаси ҳимоячиларга тегиб, майдонни тарк этди.

• 11'

  Неймар майдон марказида ажойиб техник ҳаракатлар намойиш этмоқда.

• 9'
  

  ГООООООООООЛЛЛЛЛЛЛ!

  Мбаппенинг узатмасидан сўнг қулай имконият ҳосил қилган Икарди ҳисобни очди.

• 6'

  ПСЖнинг тезкор қарши ҳужуми узилиб қолди. Ҳимоячилар яхши ҳаракат қилди.

• 4'

  Бу сафар майдон эгалари олдинга ўтишди. Бироқ орқага қайтган Ди Мария хавфни бартараф этди.

• 2'

  Дракслер жуда кучли узатмаси билан жамоасининг ҳужумини барбод қилди.

• 1'

  Ўйин бошланди!

• 0'

  Ассалому алайкум, ҳурматли футбол ишқибозлари!