Икки шахматчимиз ФИДE рейтингида "TOP-10"дан жой олди

Халқаро шахмат федерацияси, яъни ФИДE февраль ойи учун ўзининг янги рейтинг жадвалини эълон қилди. Эътиборлиси, ташкилотнинг ўсмирлар рейтингида икки нафар ҳамюртимиз кучли ўнликдан жой олди. Булар – Нодирбек Абдусатторов (рейтингда 4-ўринни эгаллаб турибди) ҳамда Нодирбек Ёқуббоевдир (8-ўрин).

Шунингдек, яна икки нафар ёш ва иқтидорли шахматчимиз "TOP-30"га киритилган. Дунёдаги энг ёш гроссмейстерлардан бири Жавоҳир Синдоров 26-поғонада қайд этилган бўлса, Шамсиддин Воҳидов 30-ўринни эгаллаб турибди.

Ўсмирлар рейтингини асли эронлик, аммо ҳозирда халқаро мусобақаларда ФИДE байроғи остида иштирок этаётган Алиризо Ферузий бошқариб бормоқда. Кучли учликдан Россия терма жамоаси аъзоси Андрей Есипенко ҳамда яна бир Эрон шахмат мактаби вакили Муҳаммадамин Табатабай ўрин олган.

Қуйида тўлиқ жадвал билан танишиб чиқишингиз мумкин бўлади: