Ikki super futbolchi qishda Saudiyaga ketadi
Saudiya klublari qishki transferlar oynasida top-5 ligalardan yulduz futbolchilarni jalb qilishni davom ettirmoqchi.
Saudiya Arabistoni vakillari Muhammad Saloh yoki Son Xin Minni qo‘lga kiritmoqchi, ammo ularni mavsum o‘rtasida qo‘lga kiritish deyarli imkonsiz bo‘ladi. Shu sababli saudiyaliklar APLning boshqa o‘yinchilari - "Manchester Yunayted"dan Jeydon Sancho va "Tottenxem"dan Richarlisonni nishonga olishmoqda. Bu haqda "Telegraph" xabar berdi.
23 yoshli Sancho sentyabr oyida bosh murabbiy Erik ten Xag bilan mojaro tufayli jamoadan chetlatilgan edi. Nufuzli "Transfermarkt" portali ekspertlari angliyalik vingerni 32 million evroga baholamoqda. 26 yoshli hujumchi Richarlisonning narxi esa 40 million evro.
Fikrlar